O ROCK DO BACALLAU

E despois de moitos ensaios... por fin chegou o gran día!!!! O día de festexar a chegada das vacacións de Nadal!!!! E que mellor forma de facelo, que marcarnos un baile con moito, moito ritmo: Un rock!!!! Está claro que os elefantes e os dinosauros non queremos pensar noutra cosa que en bailar, nin queremos ser taxistas, nin médicos, nin labregos, nin deportistas.... E a verdade é que isto de bailar dásenos moi, pero que moi ben, non creedes?

Se queredes ver de novo a nosa actuación ou a dos nosos compañeiros e compañeiras, podedes ir á web do cole: http://www.edu.xunta.es/centros/ceipcouceirofreijomil/ ou PREMER AQUÍ.

Despois da nosa gran actuación tivemos una visita moi especial: os paxes reais, que viñan dende Oriente a buscar as nosas cartas para levárllelas aos Reis Magos. Co ben que nos portamos, seguro que nos traen algunha das cousiñas que lles pedimos...

E para rematar o día, que mellor que xogar todos xuntos, eso sí, despois de encher ben os bandullos na superfesta de Nadal. Pero que día máis completo... Esto si que é un boa maneira de comezar as vacacións!

E xa por último, por se queredes pasar o Nadal entre libros, Güino deixavos estas recomendacións dende a biblioteca. PREMEDE AQUÍ

Moitas grazas a todos e a todas pola vosa implicación no festival. Os nenos e as nenas estaban guapísmos!!!! Pásade unhas boas vacacións e... BO NADAL A TODOS OS NOSOS ELEFANTES E DINOSAUROS E ÁS SÚAS FAMILIAS! Vémonos o día 8 de xaneiro.

ANIVERSARIOS DE DECEMBRO

REMATAMOS O 2014 COAS CELEBRACIÓNS DOS CUMPLES DO "DINO" PABLO E DA "ELEFANTA" DANIELA

 PARABÉNS!!!!

MUSICREQUES

Hoxe a profe Lara tiña unha gran sorpresa para nós: UNS MONICREQUES MUSICAIS!!!! Nas últimas semanas estivemos traballando na clase de música ao compositor Dvorak e ás súas danzas húngaras, e hoxe poidemos escoitar todas as melodías e coñecer a uns personaxes moi chulos encargados de ensinárnolas!!! Como nos rimos, co lobo, coa bruxa, co rei, coa rá, co paxaro,... pero sobre todo con Iván, o protagonista, un ruso ao que o rei lle quería curtar a cabeza e o seu querido bigote!!!!

Aproveitamos o blog para darlle as grazas a mamá de Iago das bolboretas, que foi a verdadeira artífice desta actividade, e ás súas compañeiras do Conversatorio de Ferrol. Tamén á profe Lara, por enchernos de música cada xoves e promover estas actividades cos peques do cole.

A NOSA ÁRBORE MUSICAL!

Xa falta menos para o Nadal, e para ir calentando motores, xa temos listo a nosa árbore musical!!!! Unha árbore cheíña de campás de mil cores!!! Quedou chula, verdade?

Moitas grazas, coma sempre, pola vosa implicación e colaboración. Estades feitos uns artistas!

VISITA Á CASA DAS CIENCIAS

E por fin chegou o día!!! Despois de estar estudando todo o mes de novembro sobre o universo, puidemos ir á Casa das Ciencias de A Coruña para ver as estrelas, os planetas, o sol e a lúa dende o planetario!!!! Cantas cousas sabemos xa!!! A nosa amiga, a estrela Fugaz foi a nosa guía pola nosa viaxe ao espazo e ensinounos todo o que hai alí arriba e todo o que podemos ver dende o noso planeta, a Terra.

Unha vez rematada a sesión do planetario, fomos dar unha volta pola Casa das Ciencias... Que divertido é este museo!!! Pódese tocar todo!!!! Pompas de xabón, pelotas, e ata unha guitarra!!!! Pero sen dúbida, o que máis nos gustou, foron os poliños!!! Que pequenos!

VIVA O PLANETARIO E A CASA DAS CIENCIAS!!!!

CALENTANDO MOTORES PARA A VIAXE ESPACIAL!

E para calentar motores para a viaxe de mañá, aí vos deixamos uns vídeos sobre os sistema solar e os planetas, por si queredes velos outra vez!

LUNA, LUNERA...

Estes días estamos de viaxe pola Lúa... Pero que presumida que é! Todo o rato cambiando de forma!!!

Agora a nós xa no nos engaña, e sabemos que ten catro fases que dependen da luz do Sol... Chea, Nova, cuarto minguante e cuarto crecente!!!!

SEGUIMOS EXPLORANDO O UNIVERSO...

Os elefantes e os dinosauros seguimos investigando o universo. Xa coñecemos todos os planetas do noso Sistema Solar, e por se se nos esquece algún temos unha canción que nos axuda a lembralos. Sóavos papás?? Seguro que a máis de un tráelle algunha lembranza, non si? Iso si, nós xa estamos moi actualizados e sabemos que Plutón non é un planeta!!

Seguiremos poñendo vídeos por se queredes visionalos cos vosos fillos e fillas e así poderedes comprobar cantas cousas estamos aprendendo!!!!!!!

OLLO AO PIOLLO!

Estes días detectáronse casos de piollos nas aulas de infantil... Por favor, revisade as cabeciñas dos peques. Moitas grazas!

 

UNHA NOVA VISITA!!

Hoxe tivemos outra visita. Esta vez duns axentes forestais que nos ensinaron as cinco regras básicas para coidar os nososo bosquees e fragas e previr os lumes: non encender fogatas e se o facemos sempre cun adulto e de xeito controlado, non xogar conn mistos nin chisqueiros, e recoller e deixar todo o campo limpo cando fagamos un picnic.

E despois de explicarnos estas regras básicas e de ensinarnos o traxe e as ferramentas que usan para apagar o fogo, tiñamos unha gran sorpresa na porta.... UN CAMIÓN DE BOMBEIROS!!!! Os axentes forestais ensinaronnos como apagan eles o lume dos bosques! Canta auga bota o camión, case nos rega!!!! 

 

 Preparádevos familias, que despois desta visita xa hai algún que quere se bombeiro! 

DÍA DO PEÓN

E como todos os anos, chega o San Martiño, e con el.... O PEÓN!!!! Este ano tivemos mala sorte, e non puidemos festexar o día como se merecía, porque a previsión meteorolóxica non era moi boa. Pese a isto, todos bailamos o noso peón na aula, e pese a que aínda non se nos da moi ben, a verdade é que cada vez o facemos con máis tino. Seguro que o curso que ven xa nos convertimos nuns expertos!!!!  

 

FAGO O CAMIÑO COMO O TROMPO EN SAN MARTIÑO,

FAGO O CAMIÑO E NON DEIXO DE XIRAR!!!!

MAGOSTO 2014

Seguimos de festa en festa. Despois das cabazas do xoves, o venres tocaba comer as castañas todos xuntos para celebrar o Magosto. 

O día comezou cunha visita da mesmísima Gran Bretaña! Patrick, o auxiliar de conversa dos maiores, veunos a explicar como celebran o Halloween en Inglaterra. Que ben o pasan os ingleses pedindo chuches polas casas, e máis vale que llelas dean porque se non... ovo na porta ou papel no xardín...Truco ou trato!

Despois de escoitar a Patrick chegou o momento que levabamos esperando toda a semana... A FESTA DAS CASTAÑAS!!!! Primeiro vimos como os nosos compañeiros e compañeiras de cuarto bailaban o rap do Magosto e despois de marcarnos nós tamén un baile, comezamos a zampar nas castañas!!!!  Que ricas estaban! Pero o mellor de todo foi, sen dúbida, os batidos de chocolate..... mmmmmmm!!!!! E como non... PODER XOGAR TODOS XUNTOS NO PATIO DOS MAIORES!!!!!

Moitas grazas pola vosa participación na festa, familias!!! Sempre é un gustazo celebrar estos días convosco!!!

XA CHEGA O SAMAÍN!!!!

Hoxe chegamos moi cargados ao cole.... Era o día de traer as cabazas! Pero non cabazas calquera, cabazas de Samaín! Que chulas nos quedaron, non sí? Había de todo: bruxas, momias, monstruos, personaxes de debuxos...  Mirade que orgullosos posamos coas nosas obras de arte!

 

VIVA O SAMAÍN!!!! 

E as cabazas estaban tan, tan ben que tivemos un novo premio nas nosas clases. Este ano a dinosaura Daniela levou a mención á cabaza máis orixinal polo seu monstruo das galletas!

Noraboa a Daniela e os seus papás por esta cabaza tan doce!

Aproveitamos o blog para darvos as grazas pola vosa implicación nesta actividade. As cabazas quedaron chulísimas! Sodes uns verdadeir@s artistas!

UNHA VISITA ESPACIAL!

Hoxe tivemos unha gran sorpresa!!! Unha visita dun traballador da Axencia Espacial Europea (ESA), Jorge, que chegou ao cole para contarnos como se fan os satélites que se mandan ao espazo e como se controlan para que nos envien fotos e imaxes de todo o Universo. Que traballo máis chulo ten Jorge!!! Todo o día mirando os planetas e as estrelas!!! 

Xa aprendemos un montón de cousas novas: que hai planetas de roca e outros de gas, que o sol é unha estrela, que hay satélites artificiais e naturais,... pero seguiremos investigando nestes días porque todavía nos queda moito espazo por explorar e os elefantes e os dinosauros, seguimos convencidos: Queremos ser astronautas!!!

QUE VEÑEN OS CICLISTAS!

Onte os nenos e nenas da clase dos ciclistas convidáronnos a descubrir o mundo das bicis e do ciclismo da man de tres ciclistas profesionais!!! Así poidemos descubrir as diferenzas entre una bici de montaña, unha de carreiras e outra de paseo, ademais da indumentaria dun ciclista e do importante que é o casco para non dar golpes na nosa cabeciña.

Agora xa entendemos por qué elixiron ser a clase dos ciclistas... Como molan as bicis!!!! Non contaminan, facemos exercicio e ademais, é súper divertido!!!!
Moitas grazas á clase dos ciclistas e a súa profe pola invitación!!!!

ANIVERSARIOS DE OUTUBRO

Este mes festexamos o cumple da dinosaura Carlota...

FELICIDADES, PEQUERRECHA!!!!

CHEGA O MAGOSTO!!!!

Xa se está chegando o Magosto e con el... as CASTAÑAS!!!! Para poder preparar o noso porta-castañas e poder comelas ben a gusto na festa, os elefantes e os dinosauros necesitamos un brick baleiro, limpiño e cortado pola metade (todos os lados menos unha das caras anchas). 

 Moitas grazas pola vosa colaboración!!!

EXPLORAMOS O UNIVERSO

Os elefantes e os dinosauros queremos converternos en astronautas, pero para iso necesitamos coñecer todo o que esconde o universo: estrelas, planetas, lúas, ...
Se queredes axudarnos na nosa investigación, podedes traer libros ou calquera outra cousiña que nos poida valer para descubrir, entre todos, o noso universo.

Moitas grazas a tod@s por participar!

ANIVERSARIOS DE AGOSTO E SETEMBRO

Este mes celebramos os aniversarios dos elefantes Elsa e Roy  e dos dinos Iria, Carla e Roi. PARABÉNS!!!!

OLLO AO PIOLLO!!!

Estes días detectáronse casos de piollos nas aulas de infantil... Por favor, revisade as cabeciñas dos peques esta fin de semana. Moitas grazas!

XA SOMOS DE 4!!!!

E así, case sen darnos conta, comezamos un novo curso. Un curso cheo de novidades. A primeira na clase dos elefantes, que teñen profe nova!!! Pero ata que María se incorpore da súa baixa, teremos connosco a Begoña, xa convertida nun elefante máis dende o primeiro día... BENVIDA BEGOÑA Á NOSA SELVA PARTICULAR!!!

Pero as novidades non acaban aí... Agora a profe Ana vainos dar informática e a profe Ilenia psicomotricidade e atención educativa, temos ao profe Julio no taller de linguaxe, e o máis chulo.... TEMOS CLASE NOVA!!!!

Os elefantes e os dinosauros estamos moi emocionados con tantas novidades, tanto que o primeiro día andabamos un pouco despistados, sobre todo polo cambio de aula. Non sabiamos moi ben cal era o noso percheiro nin a nosa porta, porque.... XA ESTAMOS EN 4!!!! Como nos gustan as nosas novas clases, teñen un montón de xoguetes para pasalo pipa entre todos.
Pero, sabedes o que máis nos gustou de todo???? Voltar a estar todos xuntos!!!! Que ganiñas tiñamos de vernos e de xogar cos compis!!!! Mirade, mirade...

Aproveitamos a ocasión para desexarlle moita sorte á nosa querida profe Ana na súa nova andaina. Nós aquí botámoste moito en falta, así que non te esquezas de nós que nós nunca nos esqueceremos de ti. Un bico enorme dos elefantes, dos dinosauros e desta "dinosaura" que escribe.

FIN DE CURSO

O último día de cole comezou coa graduación das xirafiñas e das tartarugas, que deixan Infantil e pasan a Primaria. Os elefantes e dinosauros ímolos botar moito en falta no patio, pero desexámoslles moita sorte nesta nova etapa. Tamén os nenos e nenas de 6º Primaria, despedíronse de nós con un festival moi chulo onde houbo moito ritmo!

Despois destes pequenos actos, tivemos unha gran festa para despedirnos dos compañeiros e compañeiras, cunha gran comilona! Que rico estaba todo!

E case sen darnos conta, xa chegou o fin de curso... Parece que foi onte cando estabamos atravesando a porta do corredor por primeira vez, e sen darnos conta xa rematou este curso, un curso no que apredemos, xogamos, festexamos e sobre todo, pasámolo moi, pero que moi, ben. Queredes velo?  Premede aquí

E xa por último só nos queda dicir... PASÁDEO MOI BEN NAS VACACIÓNS DE VERÁN, ELEFANTES E DINOSAUROS!!!!! Un bico moi forte da profe Ana e da profe Nuria!

Grazas polo voso apoio durante este curso, familias.

UN VERÁN DE LIBROS

Xa están aquí as vacacións!!!!! E para seguir aprendendo e gozando neste verán, Güino nos deixa estas recomendacións para ter unhas vacacións cheas de libros e contos!

DE FESTA EN FESTA

Xa se vai aproximando o final do curso, e para ter un bo remate nada mellor que ir de festa en festa!!!! A troula comezou o mércores, cun concerto do grupo DeBosses, grupo no que cantaba o pai dunha das nosas compañeiras, Noa, da clase das tartarugas. Que ben o pasamos bailando a ritmo de Rock and Roll!!!!

E hoxe seguimos de troula! Despois do recreo as profes tiñan unha sorpresa para nós... UN SUPER CIRCUITO!!! Volteretas, equilibrios, saltos, subidas, baixadas, ... Canto exercicio fixemos!

E despois de tanto esforzo, tivemos unha gran recompensa... un agasallo na SUPER TÓMBOLA DO COUCEIRO!!!! Que contentos iamos os elefantes e dinosauros cos nosos regaliños!

E mañá... que nova sopresa haberá???

ANIVERSARIOS XUÑO E XULLO

Este mes celebramos os aniversarios de Andrea, Paula elefantes, Paula dinos, Iago e

 Efrén.

MOITAS FELICIDADES!!!!

TEATRO NO COLE!

Hoxe, os nosos compañeiros e compañeiras de atención educativa tiñan unha sorpresa preparada para nós... Un teatro!!!! Durante todo o curso estiveron traballando unha chea de contos e hoxe elixiron un deles para amosarnos a todos que artistas están feitos! 

As tartarugas abriron o festival, recitando unha poesía feita por eles sobre o noso amigo "Bigotes patitas", os elefantes e dinosauros contarónnos a historía de Purpurina, unha pinga de augua que quixo viaxar polo mundo, e as xirafiñas, fixeron un teatro de títeres da Ratiña presumida... Que chulo quedou! De aquí a Hollywood!!!