2º MANDADIÑO DO ESQUELETO MANOLO

Que contentos ibamos hoxe a ensinarlle a Manolo as nosas camisetas!!!! Pero este esqueleto segue facendo das súas e xa tiña preparado un novo mandadiño para o martes...

AÍNDA QUE TEÑAS AS PERNAS PELUDAS,

O MARTES VIRÁS EN BERMUDAS. 

 
Así que mañá, todos con bermudas!!! A ver que nos tes preparado para o mércores, Manoliño!

1º MANDADIÑO DO ESQUELETO MANOLO

Hoxe coñecemos a unha nova personaxe do cole. Chámase Manolo, e é un esqueleto que está medio tolo e que lle gusta moito a festa do Entroido. Pero non lle gusta disfrazarse solo e quere que o acompañemos cumprindo os seus mandadiños toda a semana. Os elefantes e os dinosauros, apuntámonos á festa!!! Que ben!!!

O seu primeiro mandadiño é...

AO BO TEMPO CHAMAREMOS 
SE DESTA GUISA APARECEMOS...
O LUNS VESTIRÁS UNHA CAMISETA DE VERÁN, 
SEXA TÚA O DO TEU CURMÁN!

Así que xa sabedes, o luns todos e todas con unha camiseta de verán, que Manolo pasará revisión...

Está tolo esta Manolo!!!!
A ver que nos trae para o martes....

ANIVERSARIOS DE FEBREIRO

Esta semana celebramos os aniversarios de: Tomás, Abigail e Martina.

MOITAS  FELICIDADES!!!

    

DÍA DA PAZ

Hoxe festexamos o día da Paz no cole facéndolle unha homenaxe a Nelson Mandela. Os elefantes e dinosauros estabamos moi emocionados, sobre todo por bailar a canción de Mandela... Que ben o fixemos!!! Nótase que temos o ritmo no corpo!!! 

Pero despois do baile, houbo unha grande sorpresa que non esperabamos... a solta das pombas da paz!!!! Que chulo estivo!!! A mágoa foi o mal tempo e a chuvia que nos acompaña estes días, que nos impediu celebralo coas nosas familias... Esperamos ter máis sorte o ano que ven e poder bailar pola paz todos xuntos!

A MASCOTA DE PAULA

Hoxe tivemos unha visita na clase dos dinosauros.... Paula tróuxonos a súa mascosta Dino, unha lagarta algo tímida que se escondía baixo os troncos da súa gaiola. Paula contounos que Dino descansaba moito, moito, pero cando se movía ía moi rápido, e que lle daba de comer todos os días co seu irmán Álex.
Moitas grazas Paula por compartir connosco a Dino por un dia!!!

ANIVERSARIOS XANEIRO

Este mes celebramos os aniversarios das dinosauras Zaira e Sara e... xa sopramos catro velas!!!! PARABÉNS PEQUERRECHAS!!!!

XA DE VOLTA!

Xa estamos de volta!!!! Que ganiñas tiñamos de vernos, de contarnos os agasallos que nos trouxeron Papá Noel e os Reis Magos e sobre todo... de xogar todos xuntos de novo!!! Mais o ano novo comezou con moita, moita, moita choiva, choiva que nos deixou ir ao patio e poder correr, xogar coas motos e subir aos tobogáns... Levabamos toda a semana desesperados pero, por fin,o venres, o tempo portouse ben e puidemos saír ao parque... Que ansias de correr e xogar ao aire libre. Mirade que ben o pasamos!

Aproveitamos a ocasión para darlle a benvida a un novo elefante que se incorporou esta semana  a nosa selva particular. BENVIDO ROY!!.