DÍA DA PAZ

Mañá é o Día da Paz e como non imos estar no cole, pois festexámolo hoxe coa xa tradicional solta de pombas e a lectura do manifesto pola paz, feito polos nosos compañeiros e compañeiras de 6º.

Este ano a Paz ven chea de maxia, maxia pola paz que desexamos todos e todas e que, nesta data, ten forma de pomba. Por iso no corredor había un sombreiro de mago do que saían un montón de pombas con moitas mensaxes de paz e amor.

Os elefantes e os dinos tamén quixemos facer maxia e os nosos encargados do día, foron os nosos representantes escribindo dúas palabras elexidas por todos e todas nós: cariño e amor.

E así entre todos e todas podamos berrar: ABRACADABRA, QUE A PAZ SE FAGA!!!!

1º MANDADIÑO DE MANOLO

Xa está aquí, xa chegou de novo.... BENVIDO MANOLIÑO!!!! Que ben volverte a ver, porque así xa sabemos que empeza outras das festas que mais lles gusta aos elefantes e aos dinosauros: O ENTROIDO!!!!!!!

E o seu primeiro mandadiño non vai a deixar a ninguén coa cara limpa...

PARA O DÍA 1 LUCIR,
CUNHA CICATRIZ NA CARA TES QUE VIR.


Así que xa sabedes, o luns todos e todas cunha cicatriz ben grandota!!!!

ANIVERSARIOS XANEIRO

Estes mes celebramos os aniversarios das primeras dinas en cumprir 6 anos!!!! 

PARABÉNS SARA e ZAIRA!!!!!

PREPARANDO O ENTROIDO...

Ola familias!

O entroido está chegando e como sabedes este ano imos de épocas hisóticas. Os nenos e nenas de Infantil imos da Prehistoria, polo que o noso disfrace será de cavernícola. Este ano, deixamos o vestido á vosa imaxinación, pero por se vos serve de inspiración aí van uns exemplos!

Lembrade que do tocado da cabeza encargámonos nós!
Moitas grazas!

ONDE ESTÁ O SAL DA AUGA DO MAR?

Os elefantes e dinosauros seguemos a investigar do mar... Xa sabemos moito dos animais que alí viven, pero temos outras dúbidas... Por que é salgada a auga do mar e doce a do río? Ten sal ou zucre? E sobre todo... Onde está o sal??

Para poder averigualo, as profes propuxéronnos un experimento: coller un pouco de agua salgada da ría, quentala co sol ou co calor (pois quedamos que así desaparecería a auga como cando cocemos un ovo) e... a ver que pasa!!!! Quedará o sal? Pois non sabemos... Seguiremos informando....

Pero ademais, na nosa "mini excursión" atopamos un animaliño do mar. Non sabiamos moi ben se era ou non un ourizo de mar, porque non tiña moitas púas, polo que o levamos ás aulas para investigalo.Tras mirar nos nosos libros do mar, descubrimos que os ourizos perden as púas cando morren... Pobre!

Xa estamos no 2016!!!!

Xa estamos de volta!!!!! Que ganas tiñamos de vernos e contarnos o ben que o pasamos nas festas e, sobre todo,  o que nos trouxeron Papá Noel e os Reis Magos!!! Pero que bos e boas fomos... Cantos agasallos!!! Coches, consolas, bonecas, bolsos, maquillaxe... e ata unhas caixas rexistradoras que nos deixaron no cole!!!! Como molan estes reis, vaian en camelo, en bici ou tractor! 

Mirade, mirade, que boa maneira tivemos de recibir o ano...

Feliz ano 2016 - Kizoa Movie Maker

Por certo... FELIZ ANO A TOD@S!!!!