ANIVERSARIOS DE MAIO

Rematamos o mes de maio coas festas de aniversario dos elefantes Matías, Rafi, Mikel e Noemi e a dinosaura Daniela!!!

PARABÉNS PEQUERRECHOS!!

LETRAS GALEGAS 2016

Hoxe festexamos o Día das Letras Galegas, este ano adicado ao escritor lucense Manuel María. Os elefantes e os dinosauros xa sabiamos algo deste autor, non só porque esta semana as profes nos recitaron os seus poemas á entrada do cole, senón tamén porque o Día da poesía nós mesmos recitamos un dos poemas do seu libro Os soños na gaiola, titulado "Arco da vella", do que aínda nos lembramos moi, pero que moi ben. Pero hoxe tocábamos escoitar e aprender máis cousiñas da súa vida, traballo que nos ensinaron os nenos e nenas maiores, cunha presentación moi chula.

Despois da presentación, chegou o noso momento. Os nosos representantes, recitaron a poesía que presentamos os nenos e nenas de Infantil ao Certame de Poesía Couceiro Freijomil, que como todos os anos, convoca Güino dende a biblioteca. Este ano a nosa poesía tiña por tíulo "Galicia" e precorría as catro provincias e a capital da nosa comunidade. Fixémolo tan ben, que Güino, de man da profe Ana, deunos un gran agasallo para todos: libros para a nosa biblioteca de aula!!! Grazas Güino!!!!

 Pero o dia non rematou aquí. Despois do recreo tocaba ir a soterrar as nosas palabras favoritas en galego. Fai uns días os elefantes e os dinosauros eliximos a palabra que máis nos gustaba en galego, co fin de enterrala para que alguén a atopara dentro duns anos. Os elefantes eliximos a palabra "Nadal" e os dinos escollimos "grazas", dúas palabras chulísimas! Pablo foi o encargado de poñer as palabras elixidas por todos os nenos e nenas de Infantil na cápsula do tempo coa esperanza de que, como dixeron algúns: "un arquéologo as atope no futuro".

  

LETRAS GALEGAS 2016 on PhotoPeach

E como fin de festa no día da nosa lingua, da nosa fala, unha canción que nos encanta, porque o galego... Meu mundo é!!!!

CONTACONTOS KALANDRAKA

Hoxe, ao chegar ao cole, atopámonos con unha gran sorpresa... Patricia e Álex, os nosos contacontos favoritos, viñan hoxe a contarnos miles de historias!!!! Moitos dos elefantes e dos dinos tiñamos aínda no recordo o acordeón de Álex e o Sacapenas que Patricia nos agasallou, e estivemos moi ansiosos esperando a volta do recreo para poder ir á biblioteca. 

Esta vez, Patricia e Álex, contáronnos a historia dun pequeno raposo, ao que todos os animais do bosque consideraban moi pequeno para darlle unha responsabilidade, ata que el demostrou que non importa ser pequeno para ter grandes ideas... lucelús para alumar as súas covas na noite! Pero, ademais, lembraron con nós un dos nosos libros favoritos... A que sabe a lúa? Unha historia de amizade na que puidemos ver que se todos os amigos traballamos xuntos e nos esforzamos podemos chegar á lúa e máis alá!

En fin... Cantamos, rimos e ata coñecemos novos e raros instrumentos: a carraca e a frauta de émbolo!!!!
Que ben o pasamos!
Moitas grazas, Álex e Patricia!!!

SIMULACRO NO COLE

Levamos toda a semana imaxinando sirenas e por fin hoxe.... activouse o simulacro! A verdade é que o fixemos moi ben... Os dinos foron os primeiros en ver o fume saíndo da caldeira e enseguida avisaron ás profes... Nun ratiño, xa soou a alarma de incendios!!!

Tal e como nos dixeron os chicos e chicas de Protección civil, puxémonos en fila e saímos a modiño pegadiños á parede, pechando a porta ao saír. Sen présa pero sen pausa, chegamos o pavillón para xuntarnos co resto dos compañeir@s!

Cantos medios!!!! Bombeiros, Protección civil, sirenas, ambulancias... ata tiñamos uns feridos!!!! Menos mal que era todo broma, mais se chega a pasar algo no cole, os elefantes e os dinos estamos máis que preparados para afrontalo!

Moitas grazas a todos os membros de Protección civil, aos Bombeiros de As Pontes e ao persoal sanitario por axudarnos neste día.

OLLO AO PIOLLO!!!

Estes días detectáronse casos de piollos nas aulas de infantil... Por favor, revisade as cabeciñas dos peques. Moitas grazas!

XARDIÑEIR@S!

Hoxe plantamos uns bulbos de cebolleta e dunha flor con una nombre moi raro pero moi bonita: a montbretia! A ver se agora que chegou a primavera podemos encher todo de flores!!!!  Estaremos moi atent@s a ver que pasa nos próximos días!!!

MAIO COLORIDO

Este venres festexamos no cole a chegada do mes de Maio, e que mellor maneira que facelo que co tradicional Maio! Este ano, por ser os maiores, tocounos facer a guirnalda coas flores máis pequenas... Pero non houbo problema, pois contamos coa axuda da mamá da dinosaura Daniela, que veu botarnos unha man coas margaridas.
Despois fumos a levar a nosa guirnalda para poñela no Maio... Pero que chulada, non lle faltaba detalle: escada, foucillo, carro,...  a verdade é que temos unhas familias cheas de artistas!

E claro, este ano tocounos levalo... que orgullosísimos iamos co noso maio colorido no hombreiro!!!! Mirade Mirade...

VIVA O MAIO!!!!

Aproveitamos o blog para darvos ás grazas pola vosa colaboración, tanto na elaboración do maio coma na aportación de flores e fiuncho. E sobre todo agradecerlle a Loreto a súa axuda na elaboración da nosa guirnalda.